Nagranie:
Aleksandra Kowalewska
Przepisanie:
Monika Kresa
Opracowanie:
Monika Kresa
Informator:
Tomasz Wrona – ur. 1970 r. w Tychach; wykształcenie wyższe magisterskie; nauczyciel historii w gimnazjum w Mysłowicach
Transkrypcja
– A ślub przez księdza też był gwarą udzielany?
– Nie, nie. Na Śląsku my się nie dorobili tego, jest taki jeden chop, który napisał Biblia Ślązoka, ale on to napisoł na zasadzie przipowieści, tag jak kiedyś starki łozprowiały dziecioum tam biblijne przypowieści, tak łon to na takiej zasadzie napisaoł, do tej pory żoden sie nie powożył na to, żeby z jednyj strouny, z jednyj strouny, żeby na przykłod jakieś tam nabożeyństwa łodprawiać po śląsku, a z drugij strouny, żeby przetumaczyć na przykłod nowy testament jak to Kaszuby zrobili, żoden sie tego nie powaożył, chocioż jo broł udzioł pore razy we mszach, kaj na przykład modlitwa wiernych była rzykano po śląsku, także i to som rzykta nawet taki kunsek czytoł na Anabergu, czyli na Górze Świeyntej Anny, kaj jest takie sanktuarium świyntej Anny, takie jedno z nojwożniejszych dla Ślązoków.
– A czy dużo ludzi tutaj w okolicy jeszcze mówi gwarą? Potrafi mówić gwarą?
– Wiynkszość ludzi godo po śląsku, z modego pokolenio sie dzieje tako rzecz, że coroz mniej ludzi godo. No na to, to jest najwiynkszy sukces komunizmu wobec naos, bo, bo komuniści byli bardzij, bardzij, no lepsi jak Bismark, no po prostu. Bismark próbowoł nasza mowa wytympić nie udało mu sie, a komunisty to zrobili. Wpoili pokoleyniu mojeymu, że godanie po śląsku nie jest czymś dobrym, no ji niestety, ale dużo, z mojeygo pokolenia może jeszcze mało, ale potym z następnego już z dzieci, to bardzo mało godajom po śląsku, cza jim, cza jim to jakby przekazywać, że śląsko mowa ma swoja wartość, że no czeba niom sie posługiwać, bez to popiyrom na przykład to, że som próby, żeby to skodyfikować, żeby stworzyć jynzyk do pisanio i tak dalij, i tak dalij, bo jak bedzie, bydzie takie takie rozwiązanie, bydzie się szło uczyć tego we szkole, to jest dużo szansa na to, że mowa naszych ojców, ftóro, ftóro jednak była pielyngnowano przez całe stulecia, że ona przetrwa na nasteympne lata.
